Per la siatavla gada ei il Forum cultural internaziunal Mustér segidaus cun l’organisaziun dil concert festiv da Nadal da Simon Camartin. Il temps entuorn Nadal ei il temps che duei purtar glisch e pasch als carstgauns. Quei temps ei adataus per tals concerts ed enrihescha era la veta culturala ella regiun.

L’elecziun digl orchester, dallas solstas e dils solists ed il variont program da musica cun ovras bein enconuschentas e meins enconuschentas che tuccan il gust digl auditori, fa il versau dirigent Simon Camartin.

Cun Ina sala vendida ora tochen sil davos plaz ei il sustegn e la renconuschientscha per la gronda lavur e prestaziun musicala da musicistAs, solists e dirigent vegnida honorada.

Dapi igl onn 2010 han ils suandonts SolistAs indigens demussau lur habilitads musicalas e canticas:

Letizia Scerrer, Trun, Oana Camartin, Mustér, Josias Just, Andeer, Martin Zimmermann, Arschera,

Selina Derungs, Vella, Duri Cathomen, Falera, Chasper-Curò Mani, Tavau/Ardez e Livio Russi, Trimmis

Per in ault nivel musical han ils suandonts orchester procurau:

«La filharmonia da Lviv (Lemberg),  igl orchester «Südböhmische Kammerphilharmonie Budweis»

ed ich orchester «Les Musiciens de Bucarest»

Tier igl  emprem concert a Mustér 2010 ei vegniu purschiu il  suentermiezdi la praula musicala « Pieder ed il luf », medemamein  cugl orchster da filharmonia da Lviv.

Al versau dirigent Simon Camartin in grond laud e resentiu engraziament.