Amitgs, amaturs e simpatisants dalla musica classica han gudiu il concert festiv da Nadal per la fin digl onn 2017 cun Simon Camartin ella Sala Peter Kaiser dalla claustra a Mustér. Il Forum Intercultural Mustér ha gia per l’8avla gada segidau cun Simon en l’organisaziun.

Il dirigent Simon ha giu in fin sensori d’eleger ovras che van a cor agl auditori. Igl orchester da giuvenils « Inso Academic Youth Symphony Orchestra l’Viv » han sunau oreifer e cun veseivla facinaziun.

Uonn ei la simpatica giuna violonista Flurina Sarrott, oriunda  da Scuol sepresentada alla tribuna ed interpretau cun sia violina ovras da Vivaldi e Dvořák cun bravura.

Il giuven da 12 onns, Stepan Syvokhyp ha sunau cun sia oboa ina ovra da Albinoni cun segirtad e virtuositad.

Cordiala gratulaziun ed engraziament per quei grondius concert ademettein als musicistas, musicists, solista, solist e dirigent.