Top Classic 2018
Sco usitau organisescha il dirigent Simon Camartin il concert festiv Top Classic 2018. Era uonn presenta el cugl orchester dall‘ Ukraina INSO Academic Youth Symphony Orchestra L’viv ina sera da musica classica extraordinaria e sin nivel internaziunal.
Accumpignau vegn la sera dalla pianista Bogdana-Alexandra Grecova ord la Molawia cun ina vegliadetga da gest 14 onns. La fetg talentada musicista ha gia gudignau plirs premis internaziunals ed ha gia saviu semussar diversas gadas sco solista avon in publicum internaziunal.
Plinavon astgein nus guder ina dallas vuschs pli vastas ed originalas da nies temps – Christina Daletska ch‘ ei carschida si ella Ukraina. Daletska, ina mezzosopranista, ha semussau en pliras ovras dad operas renumadas.
La sera da concert Top Classic ha liug ils 28. da december 2018 allas 20.00 uras en Sala Peter Kaiser dalla Claustra Mustér.
La prevendita entscheiva gliendisdis ils 26. da november 2018. Reservar plazs e cumprar bilgiets san ins ella Papetaria Libreria Andrea alla Via Sursilvana 27 a Mustér. Ni per telefon 081 936 43 36.
Per cargar giu il program il link suandont:
