Sonda, ils 28 da december 2019
allas 20.00 uras en Sala Peter Kaiser dalla claustra a Mustér.

Il dirigent Simon Camartin organisescha il concert festiv Top Classic 2019 – cun ovras da Bach, Strauss, Mozart, Elgar ed auters cumponists. Era uonn presenta el cugl orchester dall‘ Ucraina «INSO Academic Youth Symphony Orchestra L’viv» ina sera da musica classica extraordinaria e sin nivel internaziunal. Accumpignada vegn la sera dalla flautista grischuna Alexa Deplazes e la harfista Christa Heer che concerteschan en in’ovra da Mozart. La sopranista Salome Cavegn conta treis canzuns popularas da Gion Giusep Derungs. Prevendita ella Papetaria Libraria Andrea alla Via Sursilvana 27 a Mustér ni per telefon 081 936 43 36 naven dils 18 da november 2019. Cassa da sera (en cass ch’ei dat aunc bigliets d’entrada) naven dallas 19.00 uras.